DARMAJI

Teu karasa panon poe geus na embun-embunan.
Cacing na jero beuteung motah menta jatah. Rasa leuleus hayang ngejo nasi rameus
sagekna diuk diwarung nasi. Kop kana gorengan bari mesen ka si teteh Enok
“teh sangu hiji jeung hayam goreng jeung sayur meh mata teu lamur ”.
Rengse dahar eureuleu teurab “alahamdullilahirabilalamin”.
Regot minum ci teh manis nu tinggal saparapatna bari ceukes ngaroko jarcok
"duh gusti nikmatna dahar ieu neupi ka lelengutan tunduh".
Teu karasa rokok tinggal dua kenyot deui bari jeung nyeuhil kuring nanya “teh sabarahaeun”.
si teteh balik nanya, “dahar gorengan sabaraha?”. "hiji ” ceuk kuring manteup bari nundutan.
Sanarimana pamulangan goloyor balik ka kontrakan blug kana kasur guheur sare.
Tapi teu kungsi lila pitunduheun leungit sirna kausir kunyeuri beuteung nu nataku.
Berebet kuring ka pacilingan,bari cingogo kuring mikir, "tos ngadahar naonya tadi bisa neupi kakieu?"
Gebeg hate inget kana dosa tadi nu geus dilakukeun ku kuring .nyaeta ngadahar gorengan lima ngaku hiji….
Bari ngagerentes jeung bebeten na hate “duh teh enok hampura tadi ngadahar lima ngaku hiji”.